12 сар 24, 2019
Альбумин
Альбумин нь цусны үндсэн уураг бөгөөд элгэнд бий болдог. Шинжилгээгээр гарсан альбумины хэмжээг элэг, бөөр, хэрлэгийн гаралтай болон хавдрын өвчний оношилгоонд ашигладаг.
Үүнээс гадна жирэмсэн эмэгтэйчүүд, хөхүүл эхчүүд болон тамхи татдаг хүмүүсийн цусан дахь альбумины хэмжээ бага байдаг. Шингэн дутагдах, шингэн алдах үед цусан дахь альбумины хэмжээ ихэсдэг.
Дараах эмгэгүүдийн үед цусан дахь альбумины хэмжээ буурдаг:
- Элэгний архаг эмгэг
- Сепсис /үжил/, халдварт өвчин, идээт үйл явц
- Хэрлэг төст үений үрэвсэл
- Түлэгдэлт
- Халууралт
- Хавдар
- Зүрхний дутмагшил
- Эмийн тунг хэтрүүлэн хэрэглэх
Мөн цусан дахь альбумины хэмжээ буурсан байх нь өлсөх, хоол хүнсээр хангалттай хэмжээний уураг авахгүй байх, эм бэлгийн даавар болон жирэмслэлтээс сэргийлэх эм уух, стероид үйлчилгээтэй даавар хэрэглэсэнтэй холбоотой байдаг.
