С-реактив уураг
С реактив уураг нь үрэвслийн үйл явц, гэмтэл, биед бактери, шимэгч, мөөгөнцөр зэрэг гадны бичил биетүүд орсон үед цусан дахь агууламж нэмэгддэг. С-реактив уураг нь хүний биеийн хамгаалах хариу үйлдлийг өдөөж, дархлаа тогтолцоог идэвхжүүлдэг.
Хүний биед халдвар орсноос 4-6 цагийн дараа гэхэд л үрэвслийн үйл явц эхлэх бөгөөд энэ үед СРУ-ийн түвшин нэмэгдэж эхэлдэг. Үрэвслийн үйл явц хэдий чинээ хурц, өвчин идэвхтэй байх тусам цусны ийлдэс дэх СРУ-ийн агууламж өндөр байна. Харин архаг хэлбэрийн өвчин намжмал шатандаа ороход цусан дахь СРУ агууламж эрс буураад, сэдрэхэд нь ахин нэмэгддэг.
Хурц халдварт өвчин болон хавдрын оношлогоонд СРУ-ыг ашигладаг. Мөн СРУ-ийн шинжилгээг эмчилгээний үйл явц, бактерийн эсрэг эмчилгээний үр дүнг хянахад ашигладаг.
Дараах эмгэгүүдийн үед С-реактив уургийн хэмжээ нэмэгддэг:
– Хэрлэгийн шалтгаант эмгэгүүд
– Хоол боловсруулах замын эмгэг
– Зүрхний шигдээс
– Нярайн сепсис
– Сүрьеэ
– Менингит
– Хагалгааны дараах хүндрэл
– Эм бэлгийн даавар хэрэглэх
– Жирэмслэлтээс сэргийлэх эм уух
