Альфа-Амилаза
Альфа-Амилаза нь шүлсний булчирхай, нойр булчирхайнд үүсдэг. Мөн 12 хуруу гэдсэнд крамал болон бусад нүүрс усыг задлахад оролцдог панкреатик амилаз гэсэн өөр нэг фермент нь нойр булчирхайнд үүсдэг. Амилаза нь бөөрөөр дамжин шээсээр гадагшилдаг. Нойр булчирхай болон шүлсний булчирхайн эмгэг тодорхойлоход ашигладаг.
Дараах эмгэгүүдийн үед Альфа-Амилазын хэмжээ ихэсдэг:
– Нойр булчирхайн хурц болон архаг үрэвсэл
– Нойр булчирхайн киста, цөсний цорго чулуу, хавдартай
– Гахайн хавдар
– Хурц перитонит
– Холецистит, цөсний цоргын эмгэг
– Бөөрний дутмагшил
Нойр булчирхайн хурц үрэвсэл, нойр булчирхайн архаг үрэвсэл сэдрэх, тахалт гахайн хавдар зэргийн үед нойр булчирхайн амилазын цусан дахь хэмжээ 10 дахин нэмэгддэг. Цусан дахь панкреатик /нойр булчирхайн/ амилаза огцом нэмэгдэх нь нойр булчирхайн үрэвсэл, нойр булчирхайн цоргын уйланхай, хавдар, эсвэл чулуу бөглөхтэй холбоотой байж болно.
Харин цусан дахь амилазын түвшнийг тодорхойлох биохимийн шинжилгээгээр амилазын хэмжээ тэг гарах нь нойр булчирхайн үйл ажиллагаа хангалтгүй, хурц болон архаг гепатиттай холбоотой. Жирэмсний хордлогын үед цусан дахь амилазын түвшин хэвийн хэмжээнээсээ буурдаг.
