(ЛДГ) – Лактатдегидрогеназа
ЛДГ буюу лактатдегидрогеназа, лактат нь глюкозыг исэлдүүлэн сүүн хүчил үүсэх явцад оролцдог фермент. Лактат (сүүн хүчлийн давс) нь амьсгалах явцад эсийн дотор үүсдэг. ЛДГ хүний бараг бүх эд, эрхтэнд агуулагддагаас ясны булчинд хамгийн их байдаг. Хүчилтөрөгчийн хангамж хэвийн үед лактат нь цусанд хуримтлагддаггүй бөгөөд саармаг бодис болтол задраад гадагшилдаг. Зүрхний булчин, элэг, хавдрын өвчнийг оношлох үед цусан дахь ЛДГ-ийн хэмжээг тогтоох биохимийн шинжилгээ хийдэг.
Дараах эмгэгүүдийн үед ЛДГ-ийн хэмжээ ихэсдэг:
– Элэгний эмгэгүүд
– Зүрний шигдээс, уушгины шигдээс
– Цусны системийн эмгэг
– Ясны булчингийн гэмтэл, хатингаршил
– Нойр булчирхайн хурц үрэвсэл
– Бөөрний эмгэг
– Янз бүрийн эрхтний хавдар
Жирэмслэлт, нярай хүүхэд, биеийн хүчний ачааллын дараа гэсэн үед ЛДГ нь их байдаг. Мөн согтууруулах ундаа уусны дараа болон зарим төрлийн эм бэлдмэлийн хэрэглэсний дараа цусан дахь ЛДГ-ийн хэмжээ нэмэгддэг.
