(ШФ)- Шүлтлэг фосфатаза
Шүлтлэг фосфатаза нь фосфорын хүчлийг органик нэгдлүүдээс салган фосфорыг тээвэрлэхэд оролцдог. Шүлтлэг фосфатаза нь ясны эд, гэдэсний салст бүрхүүл, ихэс, сүү ялгаруулж байгаа хєхний булчирхайд хамгийн ихээр агуулагддаг.
Шүлтлэг фосфатаз ясны өсөлтөнд нөлөөлдөг болохоор хүүхдийн цусан дахь хэмжээ нь насанд хүрэгчдийнхээс өндөр байдаг. Элэг, цөсний цорго, бөөрний эмгэгийн оношилгоонд цусан дахь шүлтлэг фосфатазын шинжилгээг хийдэг.
Дараах эмгэгүүдийн үед цусан дахь шүлтлэг фосфотазын хэмжээ ихэсдэг:
– Гиперпаратиреоз
– Миеломын өвчин
– Ясыг гэмтээсэн лимфогранулематоз
– Халдварт мононуклеоз
– Рахит
– Элэгний өвчин
– Цөсний цоргоны өвчин
– Уушигний шигдээс, бөөрний шигдээс
Мөн жирэмсний сүүлийн 10 хоног, цэвэршилтийн дараа, хоолонд кальци болон фосфат дутагдах, С амин дэмийн тунг хэтрүүлэн хэрэглэх, зарим төрлийн эм, бэлдмэлийг хэрэглэсний дараа шүлтлэг фосфатазын хэмжээ нэмэгддэг.
Бамбай булчирхай томрох, ясны өсөлтөнд өөрчлөлт гарах, цайр, магни, В12 витамин, эсвэл С витамин хүнсэнд дутагдах, цус багадах үед шүлтлэг фосфатазын хэмжээ бага байдаг. Жирэмсний үед ихсийн хөгжил дутуу үед шүлтлэг фосфатазын идэвх буурдаг.
