Креатинин
Креатинин нь уургийн солилцооны бүтээгдэхүүн бөгөөд элгэнд үүсээд дараа нь цусанд ялгардаг. Креатинин нь булчингийн болон бусад эдийн энергийн солилцоонд оролцон улмаар бөөрөөр ялгаран шээсээр гадагшилдаг бөөрний үйл ажиллагааг тодорхойлогч чухал үзүүлэлт юм. Креатинины цусан дахь хэмжээ нь булчингийн массаас шалтгаалдаг тул эрэгтэйчүүдийн цусан дахь хэвийн хэмжээ нь эмэгтэйчүүдийнхээс гол төлөв өндөр байдаг. Мөн булчингийн масс богино хугацаанд хурдан өөрчлөгддөггүй болохоор креатинины цусан дахь хэмжээ нь тогтвортой хэмжигдэхүүн юм.
Бөөр, ясны булчингийн байдлыг оношлоход цусан дахь креатинины хэмжээг тодорхойлох шинжилгээ хийдэг. Креатинины хэмжээ нэмэгдсэн байх нь бөөрний архаг болон хурц дутмагшил, туяаны өвчин, бамбай булчирхайн үйл ажиллагааны хэт идэвхжил, мөн зарим төрлийн эм уух, шингэн дутагдах, механик гэмтэл, эсвэл мэс заслын дараа болон булчин гэмтэхэд креатинины хэмжээ нэмэгддэг. Мөн мах, махан бүтээгдэхүүн ихээр хэрэглэдэг хүмүүсийн цусан дахь креатинины хэмжээ өндөр байж болно. Харин өлсөх, цагаан хоолны дэглэм барих, булчин масс буурах, жирэмсний 1-2 үе, кортикостероид эм уусны дараа креатинины хэмжээ буурдаг .
