PSA (Түрүү булчирхайн хавдрын маркер)
Түрүү булчирхайн хавдрын маркер 45 хүртэлх насны эрүүл эрэгтэйчүүдэд байх дээд түвшин 4нг/мл. Маркерийн хэмжээ нас ахих тусам /70-аас дээш насанд 6,5 нг/мл/ ихэсдэг нь түрүү булчирхай, хөхний хавдрын ургалт явагдаж байгаатай холбоотой гэж үздэг. Маркерийн хэмжээ түрүү булчирхайн үрэвсэл хоргүй хавдрын үед ихэсдэг. Түрүү булчирхайн хавдрыг оношлохын зэрэгцээ булчирхайн хортой, хоргүй хавдартай өвчтөнийг хянахад өргөн ашигладаг. Түрүү булчирхайн хорт хавдрыг мэс заслаар төгс эмчилсний дараа маркерийн үлдэгдэл хэмжээ 0,1-0,2 нг/мл-ээс их байх ёсгүй. Эмчлэгдсэн өвчтөнийг хянаж байхад маркерийн хэмжээ ихсэх нь өвчин дахиж байгааг илэрхийлэх эхний шинж тэмдэг юм. Дааврын эмчилгээний үр дүнг хянаж анхдагч ба олдмол эмэнд тэсвэрт чанарыг илрүүлж эмчилгээний тактикийг өөрчлөх зорилгоор өвчтөнд 3 сар тутамд маркерыг тодорхойлж байх шаардлагатай. Түрүү булчирхайн хортой ба хоргүй хавдрын эмчилгээний үр дүнг маркерээр хянадаг.
